Då er oppfølgaren til Det e pina d en kassett her. Det nye verket heiter Det e pina d endå en kassett, og inneheld musikk av Side Brok og vener frå Sunnmøre og resten av landet; obskure låtar som ikkje har vore ute før, alvor og stropl, remixar og demoar, mannskor og rap. Me er ikkje minst stolte av å presentere ein heilt ny låt som Side Brok har laga for å hylle Volda mineralvatn a/s, eller Brænne-brus, som me alltid har kalla det. Dette var den viktigaste kulturinstitusjonen i Ørsta/Volda då me voks opp, men no skal dei som kjent leggje ned, så ein hjartans takk er på sin plass! Les meir