Eg veit! Eg er ikkje god nok til å oppdatere sida. Men no må/skal/kanskje/bør eg skjerpe meg. Det skjer jo ting av og til, faktisk, og eg er flink til å fortelje det til alle eg møter. Men no møter eg ikkje så mange lenger, for alle sit heime og er på nettet.
Aldeles A/S jobbar på spreng med DVD-utgåva av Heimegutar, og satsar på utgjeving i oktober/november.
Det nye, og tidlegare omtalte, prosjektet til Thorstein Hyl, er godt på veg. Eg skreiv visst at skiva heilt sikkert ville kome i år, og det er godt muleg me når det. Viss ikkje, kjem ho tidleg neste år. Side Brok er òg i full sving, og album nummer fire kjem i 2011.
Den talentfulle beatmakaren Soul Theory (”Spreng Amfi”, “Drit å gjer”, “Bea
ts, rim” og “36½”) har produsert den veldig fine og veldig nittitals-aktige låten “Venstre høyre” med tre rapparar: RSP, Pumba og Thorstein Hyl. Låten kjem på iTunes og Spotify om ca. tre veker. Viss du vil høyre låten no, kan du høyre Mozart og Madonna på P2 frå 2. september; heile programmet handlar om rap og dialektar, og i studio diskuterar eg med RSP og hip-hopjournalisten Øyvind Holen.
Filmen, altså. Ikkje me, dessverre. Men steikje det! Filmen skal visast på New York International Film Festival, som er ein ekte og tøff filmfestival - i verdas tøffaste og mest ekte by. Festivalen foregår 22. - 29. juli.
Til hausten skal filmen òg visast på ein systerfestival i Los Angeles. På engelsk heiter forresten “Heimegutar” “Homeboys”.
Masse roser, takk og gratulasjonar til regissør Turid Rogne! - og resten av Aldeles, som har produsert filmen.
No må eg ringe til Thirstin Howl og seie at han skal dra seg på kino.
I det heilt nye nummeret av Syn og Segn har eg skrive ein lang reportasje frå MC’s Fight Night i København. Det er ein konkurranse i fristilrap som foregår i ein boksering. Men teksten er òg eit essay om fristilrap og battling generelt, og om mitt forhold til dansk rap, og på ein måte litt om begynnelsen på Side Brok. Viss ein av uforklarlege grunnar ikkje allereie er abonnent på dette glimrande tidsskriftet – som nyst har blitt kåra til Årets Tidsskrift av Norsk Tidsskriftforening – kan ein kjøpe bladet på Narvesen. Eller lese det på biblioteket.
Hurra for Egil Olsen som fyllte 30 den 14. april! Og hurra for dei gode venene hans som har gitt han tidenes gåve. Ein liten gjeng har nemlig lurt seg til å lage ei plate med ymse norske musikarar som spelar Egil Olsen-slagerar på svært ymse vis. Plata er trykt på vinyl i 300 eks, og kjem ikkje på cd. Ho kan kjøpast i butikken Big Dipper i Oslo - eller tingast. Besøk Egils side for å sjå liste over songane og anna godt.
Slik ser omslaget ut:
Og slik høyrest Side Brok sitt bidrag ut, som tilfeldigvis ikkje er ein versjon av ein Egil-låt, men ein heilt ny låt, basert på alle låtane Egil nokonsinne har laga. Bård har bygd beatet på ein sample frå Egil-slageren “Let’s go crazy”. Runar laga rappen ved å omsetje tekstlinjer frå Egil sine tekstar og klippe dei i fillebitar. Altså, slik vart det:
Så har me endeleg begynt å kome oss etter ei hektisk og rasande artig helg på Voss. Fredag spelte me konsert på Park hotell, og det var svært å vere tilbake på den same scene som me spelte vår aller fyrste konsert utanfor Ørsta, i jula 2003.
Me hadde òg i oppdrag å snekre i hop årets tingingsverk til Badnajazzen: ein konsert i lag med dei talentfulle og kjekke ungdommane frå Bjørgum skule på Voss og Brakanes skule i Ulvik. Me øvde og jobba heile fredag og laurdag, og på søndag var det konsert i den stappfulle Vossasalen. Svært! De kan sjå bilder frå konserten her.
- og takk til alle som kom. Det er visst ikkje så frykteleg ofte at alle på Blå - frå scenekanten til baren - hoppar, men det skjedde under dei to siste låtane på laurdag. Tilstandar! Det var godt å spele i Oslo igjen; me må visst snart tilbake. Her er eit bilde av Thorstein Hyl, som har sin heilt eigen måte å få folk til å be om ekstranummer på …
I Side Brok driv me ikkje med kjønnsdiskriminering.
No har det nettopp vore 8. mars (som forresten var 6 års-jubileum for Høge Brelle!).
Me er ganske metrofile av oss.
Me fekk inn fleire svar frå menn enn frå kvinner.
Altså; mange gode grunnar til at me har kåra ein mann til vinnar av pakke-konkurransen. Til lukke, Jostein Eikrem! Du hadde heilt rett svar på kvifor Skatebård får flest kjekser: ”Det er vel ei kjent sak at Skatebård trykke på tangentane og er flink til å skru på dei rette knappane?”
Takk til alle som sende inn svar. Me har kika godt på alle settlistene. No gler me oss til laurdag. Håpar Oslo er klar!
I høve konserten på Blå i Oslo vil me gi vekk to stk. pakka.
Kva er pakka? Jau, då Oddgeir leita etter inkassovarslane sine her ein dag, kom han over ein bag han lenge har nekta på var i hans forvaring:
Nemleg baggen med banneren vår frå 2004, og eit knippe klassiske Side Brok girlie tank tops! Håhåhå … Jentene var aldri so heite som sommaren 2004, når dei brusa med fjøra sine ikledd desse brennheite tank toppane. Hårre steik, seier no me!
Det du treng å gjere for å vinne alle skivene våra, eit eksemplar av nemnde klesdrakt og ein billett til Blå 13. mars, er å sette opp di drøyme-settliste, samt svare på kvifor Skatebård er den med mest dametekke av alle i orkesteret.
Send til: sjefr(ætt)sidebrok.no, so trekkjer me den heldige vinnaren den 8. mars - altså på sjølvaste kvinnedagen - for denne … denne er for kjeksene der ute!
Då var dén på plass, i allefall. Me spelar på Blå i Oslo den 13. mars. Me stiller med blåsarrekke, og de skal berre stille! Dørene opnar klokka ni, me spelar klokka ti. Det kostar 150 kroner.
OBS! OBS! ME SPELAR ALLEREIE KLOKKA 22.00 (for etterpå er det DJ Prins Thomas).
