Ribbe og røøøl

Høyr på julerappen vår her:

Juletid (Ribbe & Røl)
[audio:sidebrok-juletid.mp3]

Eller berre høgreklikk og last han rett ned!

Premiere kl. 18 i dag

Den nye internettkassetten vår er på veg. Me sit akkurat no med saks og papir og lim og styr – og reknar med å nå det til barne-tv. Kom tilbake då!

Intervju om Ekte Menn

Simon Snorkel frå Bergen er både ein hyggeleg ung mann, rappar og bloggar. Han har laga eit intervju med meg (Runar), med bl.a. ein gjennomgang av Ekte Menn, låt for låt. Det kan lesast i to delar her og her.

Og no er det jammen ikkje lenge til den nye kassetten hamnar her på sida!

God stil på 3. dag – og ny internettkassett!

Som me hinta om i fjor, gjeninnfører me no tradisjonen med juletrefest på Rust (for dei som ikkje er frå Ørsta: dette er heimebana vår). Det vert tung bass, god stil, allsong og allrap, – og sjølvsagt ein haug med deilige gjestar på scenen. Sværheitsgaranti!

Omtrent ei veke eller to før jul kjem òg oppfølgaren til Det e pina d en kassett. Denne har fått den originale tittelen Det e pina d ENDÅ en kassett, og er ei god blanding av Side Brok og andre frå nabolaget, nytt og gammalt, seriøst og stroplete. Kassetten er sjølvsagt gratis og vert tilgjengeleg her på sida.

Og som om dét ikkje var nok, kjem det òg ein julesong frå oss snart… No ste’kje verda te påske!

… and we’re back!

Sida har vore nede nokre dagar, men det var berre pga. ei ubetalt rekning (hey, sjølv om me tener millionar på Side Brok, så skjer det at me gløymer å betale rekningane våre). Det kan hende me vil stengje sida litt oftare i framtida, for det er fole kjekt at opptil mange personar etterlyste sida allereie fyrste dagen ho var stengd. Det betyr jo faktisk at det er nokre der ute som kikar innom av og til. Svært.

Takk til alle som kom og heia på oss og AaFK i teltet i Oslo for eit par veker sidan. God stemning!

Å ja, forresten, i løpet av desember kjem det ny musikk frå oss her på sida. Me seier i frå.

43243704.jpg

Takk til Bergen, hei til Oslo

Takk til alle som kom på kino og konsert i Bergen i forrige veke, det var svært deilig å vere tilbake! For meg (Runar) var det òg fyrste gong eg var på BIFF (Bergen Internasjonale Filmfestival), og me var med på opningshøgtida der me tok eit par låtar for ein fiff-fullsatt sal. Eg fekk springe rundt mellom stolradene og brøle opp i ansikta på Vibeke Løkkeberg, Pål Bang-Hansen og andre gode folk. Det gjorde godt. For meg, i allefall.

Endå kjekkare var det å vere med på skulevisingar av «Heimegutar», og svare på spørsmål frå salen. The kids are som alltid alright!

BIFF TV laga eit artig intervju med oss – med improviserte musikkvideoelement; sjå det her (du må rulle litt ned for å finne det).

I erkjenning av at det kanskje er ei stund til HIL kjem i cupfinalen, har me sagt ja til å heie på AaFK, og varme opp AaFK-tilhengjarane dagen før cupfinalen i Oslo. Det skjer altså den 7. november i eit telt i Rosenkrantzgate 18, mellom Saras telt og Smuget, så det burde vere mogleg for sunnmøringar å finne det. Kom, hei – og gi na.

Til slutt eit bilde frå Bergen – med bildeteksten: «Bård og Knut tykte det hadde vore ein gild konsert.»p1010272.JPG

Tabloid kjem frå same ordet som tablett

Dei fleste har nok etter kvart forstått at ein ikkje skal tru alt som står i avisa, men av og til får eg likevel lyst til å forklare litt.

Etter konserten vår i Bergen på onsdag, fekk me besøk av VG i backstagelokalet. Dei begynner med å spørje om stoda og planane framover. Eg seier at det er vanskeleg å spå, men at eg trur me lagar ei plate til, og at eg trur me gir oss etter den. Det vert straks til overskrifta «Side Brok gir seg».

Vidare spør journalisten: «Men de kjem ikkje tilbake som rockeband, då?»

Eg: «Hæ?»

VG: «Ja, som visse andre norske hip-hopband har gjort?»

Eg: «Å, du meiner Klovner i Kamp, som har blitt til Yoga Fire? Haha, nei, det kjem me heilt sikkert ikkje til å gjere» – og det er heilt sikkert, for det er ikkje ein type musikk eg har noko forhold til – «men du seier «visse andre» norske hip-hopband? Det er vel ikkje fleire?»

VG: «Paperboys har vel på sett og vis òg blitt eit rockeband på den nye plata si?»

Eg: «Vel, tja…»

Dette blir elegant skrive slik at det ser ut som noko me har tenkt på, og vil formidle til folk: «De lover imidlertid dyrt og hellig å ikke returnere som rockeband, som Klovner i Kamp-gutta gjorde som Yoga Fire, og som Paperboys på sett og vis gjorde med sitt comeback-album. – Det skjer ikke. Da får du lov til slå meg midt i ansiktet, lover Runar.»

Sterke ord, som gir inntrykk av at eg synes Klovner/Yoga og Paperboys er latterlege folk. Det er synd, for det er ikkje sant. Klovner er gode folk, og me har spelt ilag på scenen. Paperboys kjenner eg ikkje, men det er dyktige folk som eg ikkje har noko i mot.

Dette er kanskje ikkje verdas viktigaste sak, men det irriterar meg sterkt. Og kanskje er eg mest irritert på meg sjølv, som sliten og trøytt etter ein heftig konsert, gjekk rett i tabloid-fella.

-Runar.

Kino & konsert i Bergen

Dokumentaren om oss, Heimegutar, skal visast på Bergen Internasjonale Filmfestival den 21. oktober. Då tar me like godt turen til Bergen og tøffar oss med konsert på Garage same dagen. Det er år og dag sidan me spelte i Bergen sist, så dette blir svært! Oppvarming med det fine lokale bandet Bluemashin Raporkester.

Eit kort intervju –

med Kieran Kolle og Jonas Langer (volding!), som laga videoen til «Drit Å Gjer», finn du her. Forresten bør alle sjekke ut den tøffe videoen dei laga for den tøffe norske rapgruppa The Afeeliated.

Tekstar (og styr)

Fordi han Sindre sa det, har eg no lagt ut alle tekstane frå Ekte Menn. Folk som har kjøpt CD-en, har allereie tekstane i heftet, men dei som har kjøpt plata på iTunes, eller berre har tatt ho opp på kassett inne på romet til storebroren sin – ja, dei slit jo litt. Eller sleit. For no ligg altså alle orda her.

No er forresten «Drit Å Gjer»-videoen på Youtube òg. Trykk på HD-knappen og stor skjerm-knappen og kos deg. Og etterpå kan du gi ein haug med poeng og skrive ein kommentar om kor mykje du koste deg mens du såg videoen.